Tiniyak ni Customs Commissioner Isidro Lapeña ang pagtutok sa illegal drug shipments na idinadaan sa mga port sa bansa.
Sinabi ni Lapeña na kung mahaharang nila sa mga seaport ang shipment ng droga, malaking kabawasan na ito sa drug supply.
Ipinagmalaki ni Lapeña ang mga nabuwag na shabu laboratory sa bansa noong nasa PDEA o Philippine Drug Enforcement Agency pa siya bagamat nalilito pa rin aniya sila sa nagkalat pa ring supply ng illegal drugs.
Ayon kay Lapeña, tinataya nilang malaking bahagi ng drug supply o 70% ay mula sa mga shipment.
