Bubuksan na rin sa mga turista mula sa Luzon ang lalawigan ng Ilocos Sur simula Nobyembre 15.
Ayon kay Ilocos Sur Governor Ryan Singson, napagpasiyahan nila ito matapos mabatid na maraming mga taga-Metro Manila ang nais na bumisita sa kanilang probinsiya.
Dagdag ni Singson, malaki rin ang maitutulong ng pagbubukas ng lungsod sa turismo para maibalik ang mga trabaho.
Kaugnay nito, pinapurihan ng Department Of Tourism ang nabanggit na pasiya ng lokal na pamahalaan ng Ilocos Sur.
Oktubre 15 nang buksan na rin sa turista mula Luzon ang Ilocos Norte.
