Nakuha ng Iloilo City ang titulong ‘clean tourist city’ na iginawad ng Association of Southeast Asian Nations (ASEAN).
Ayon kay Iloilo City Mayor Jerry Trenas, nakuha nila ang parangal dahil sa pagkakaisa ng mga mamayan ng kanilang syudad.
Nagbunga aniya ang kanilang pagtutulungan para mapanatiling malinis ang Iloilo City.
Iginagawad ang ASEAN ‘clean tourist city’ award sa mga syudad na may mataas na kalidad ng buhay kung saan makikitang ligtas ang pagbisita ng mga lokal at dayuhang turista.
