Muling tiniyak ni Iloilo City Mayor Jed Patrick Mabilog na buo ang kanyang suporta sa kampaniya ni Pangulong Rodrigo Duterte kontra iligal na droga.
Ito’y sa kabila ng paulit-ulit na pagbansag ng pangulo kay Mabilog bilang numero unong protektor ng iligal na droga sa lungsod na tinawag din niyang ‘most shabulized city’ sa bansa.
Bilang patunay, nag-alok si Mayor Mabilog ng isang milyong pisong pabuya para sa sinumang makapagtuturo ng mga sangkot sa iligal na droga sa kanilang lungsod.
Ginawa ng alkalde ang pahayag makaraang mapatay ng pulisya ang umano’y number one drug lord sa Western Visayas na si Richard Prevendido.
By Jaymark Dagala
