Naghain ng sick leave si Iloilo City Mayor Jed Patrick Mabilog upang makapagpagamot sa ibang bansa.
Ayon kay Atty. Mark Piad, tagapagsalita ni Mabilog, noong Lunes pa lamang, Setyembre 11 ay naka-sick leave na si Mabilog na tatagal hanggang sa katapusan ng buwan.
Paliwanag ni Piad, na-diagnosed si Mabilog ng pagkakaroon ng diabetes mellitus type 2 na dulot ng naranasang stress at kailangang sumailalim sa gamutan sa ibang bansa.
Dagdag ni Piad, kanya ring nakumpirma mula sa human resource department ng Iloilo City Hall na noon pa lamang Agosto 28 ay nakapagsumite na si Mabilog ng medical certificate bago ito umalis palabas ng bansa.
Itinanggi naman ni Piad ang ulat na tumakas na si Mabilog at naghahanap na ng political asylum sa ibang bansa.
Ang tinig ni Atty. Mark Piad, tagapagsalita ni Iloilo City Mayor Jed Patrick Mabilog.
—-
