Suportado ng Malacañang ang plano ng Commission on Human Rights (CHR) na imbestigahan si Davao City Mayor Rodrigo Duterte.
Kaugnay ito sa mga naging pag-amin ng alkalde hinggil sa kanyang pagpatay umano sa mga kriminal sa kaniyang lungsod.
Ayon kay Presidential Communications Secretary Herminio Coloma ginagawa lamang ng CHR ang kanilang mandato na tukuyin ang katotohanan sa likod ng mga umano’y paglabag sa karapatang pantao.
Kasunod nito, sinabi ni Coloma na kinikilala ng pamahalaan ang karapatan ng bawat isang Pilipino sa umiiral na ligalidad at rule of law.
By Jaymark Dagala
