Patuloy na iniimbestigahan ng mga otoridad ang naganap na pagpaslang kagabi sa isang kolumnista sa Ilocos Norte.
Ang biktimang si Steve Barreiro, kolumnista ng Ilocos Times ay nasa isang tindahan sa Brgy. Poblacion 2 sa bayan ng Pasuquin nang pagbabarilin ito ng suspek na si Oliver Doctor.
Inaalam pa ng mga otoridad ang motibo sa naturang krimen bagamat nasisilip na ang posibleng love triangle dahil ang suspek ay dating asawa ng kasintahan ni Barreiro na si Criselda Aguinaldo.
Tinutugis na rin ang suspek na umano’y armado ng 9mm pistol.
By Judith Larino
