Pinakilos na ni PNP Chief P/Gen. Guillermo Eleazar ang Bicol Regional Police Office para imbestigahan ang pagpatay sa isang pulis sa Daraga, Albay.
Kinilala ang biktimang pulis na si S/Sgt. Allan Madelar na pinagbabaril ng mga hindi pa kilalang salarin sa barangay Peñafrancia matapos dumalo sa isang birthday party noong Sabado ng gabi.
Si Madelar ay nakatalaga sa intellegence warrant unit ng Guinobatan Municipal Police Office.
Kasabay nito, nagpaabot din ng pakikiramay si Eleazar sa naulilang pamilya ni Madelar at tiniyak ang angkop na tulong sa kanila.
