Nagpatupad ng balasahan ang Bureau of Immigration sa mahigit 90 kawani nito na nag mo monitor sa mga alien passengers at human trafficking victims.
Ayon kay B.I Chief Jaime Morente, kasama sa naging re-shuffling ang mga immigration intelligence officers at iba pang empleyado na naka assign sa bureau border control and intelligence unit at ilan na naka istasyon sa Ninoy Aquino International Airport.
Layon nitong ma – energize ang workforce, alisin ang pagkainip sa trabaho at madagdagan pa ang kaalaman at karanasan ng kanilang mga empleyado.
Una nang nasagawa ng balasahan ang B.I sa mga opisyal nito sa NAIA at dalawang iba pang paliparan sa bansa.
