Naka-heightened alert na ang BI o Bureau of Immigration sa lahat ng paliparan at pantalan sa bansa.
Inatasan na ni Immigration Commissioner Jaime Morente ang lahat ng mga immigration officers na mas paigtingin pa ang pagbabantay lalo na ang pagsasagawa ng screening sa mga dayuhang dumarating sa bansa.
Layon nitong mapigilan ang posibleng pagpasok ng mga dayuhang terorista matapos ang kambal na pagsabog sa Jolo, Sulu.
Mahigipit ding bilin ni Morente na huwag magdalawang isip ang mga opisyal na huwag papasukin ang isang dayuhan kung kaduda-duda ang dahilan ng pagdating nito sa bansa.
