Malabong mangyari ang naging pagbubunyag ng Pangulong Rodrigo Duterte hinggil sa planong pagpapatalsik sa kanya sa puwesto ng mga taga-Liberal Party.
Ito ang tiyak ni dating House Speaker ngayo’y Quezon City Rep. Sonny Belmonte na isa rin sa mga stalwart o mataas na opisyal ng partido.
Sinabi ni Belmonte, halos karamihan sa kanilang mga miyembro sa Kamara ay kaanib ng tinaguriang Super Majority kaya’t “zero” aniya ang tiyansang may maghain ng impeachment laban sa Pangulo.
Kasunod nito, nakiusap si Belmonte sa lahat maging sa administrasyon na tigilan na ang gayung pag-iisip sa halip, magkaisa na lamang para sa pagkakaisa ng bansa.
By Jaymark Dagala
