Arestado ang isang ina sa Pakistan makaraang patayin niya umano ang kanyang anak dahil sa pagpapakasal nito nang labag sa kagustuhan ng pamilya nila.
Ayon sa mga pulis ng Butrawala sa probinsya ng Punjab, ginilitan ang 22 taong gulang na si Muqadas Tofeeq.
Batay sa testimonya ng kanyang asawa, kinumbinsi umanong umuwi si Tofeeq sa bahay ng kanyang mga magulang noong Biyernes at doon ito pinaslang.
Ito ang pinakahuling insidente ng tinaguriang Honor Killings sa Pakistan kung saan halos 1,000 babae taon-taon ang napapatay dahil sa paglabag sa tradisyon ng pag-ibig at pagpapakasal.
By: Avee Devierte
