Isang bagong silang na sanggol na babae ang natagpuan sa likod nang nakaparadang multicab sa loob ng compound ng Saints Peter and Paul Parish sa Ormoc City sa Leyte.
Ayon sa report, kalalabas lamang ng mag-asawang Julita at Carl Capuno sa meeting ng isang religious group nang mapansin nila ang sanggol.
Kaagad ipinaalam ng mag-asawa ang nakitang sanggol kay Father Gani Petilos na nag-utos na isugod sa Ormoc Doctors Hospital para isailalim sa medical check-up.
Malusog naman ang sanggol na pinangalanan ng mga taga-simbahan na si Frances Julianne Faith, alinsunod na rin sa kapistahan ni St. Francis of Assisi.
