Isang incident command system ang binuo para sa ilang bayan sa Camarines Sur na posibleng maapektuhan nang pag aalburuto ng Bulkang Mayon.
Kasunod na rin ito nang isinagawang emergency meeting ng MDRRMO o Municipal Disaster Risk Reduction and Management Office ng Bato at Buhi, City Disaster Management Office ng Iriga, PNP, BFP, dswd AT iba pang ahensya.
Ayon sa MDRRMO -Bato at Buhi, gumagawa na sila ng paraan sakaling makarating sa kanilang bayan ang abong ibinubuga ng bulkang Mayon dahil sa malakas na hangin.
Kasabay nito, ipinabatid ni Camarines Sur Provincial Administrator Anghel Naval na pina plano na nila ang pagbibigay ng malinis na tubig sa mga evacuee sa ilang bayan sa Albay at iba pang tulong.
