Isang Indonesian national na hinihinalang miyembro ng Maute – ISIS Group ang naaresto ng militar sa Barangay Luksadatu, Marawi City.
Batay sa ulat, lumabas ang hindi pinangalanang dayuhan mula sa pinagtataguan nito.
Lumangoy umano ito sa Lake Lanao bago pumasok sa mga bahay.
Payat na payat at mahaba ang buhok ng nasabing hinihinalang dayuhang miyembro ng grupong Maute nang makuha ito.
Agad namang dinala sa Lanao del Sur Provincial Office ang naarestong dayuhan para isailalim sa pagtatanong.
