Gumagawa ng hakbang ang PNP-CIDG para makakuha ng kontak sa informant na nagturo sa kinaroroonan ng magkapatid na Joel at Mario Reyes kaya’t naaresto ang mga ito sa Phuket, Thailand.
Ito ay dahil wala pang nagke-claim sa P4 na milyong pisong reward para sa pagdakip sa Reyes brothers.
Sinabi ni CIDG Director Chief Supt Victor Deona na inaalam na nila ang pagkakilanlan ng tipster sa pamamagitan ng complaints referral and monitoring center ng ahensya na unang tumanggap nang kinaroroonan ng magkapatid na Reyes.
Tiniyak ni Deona ang verification sa katauhan ng informant para masigurong ang reward ay mapapasakamay ng dapat makakuha nito.
By Judith Larino
