Humarap na sa tanggapan ng Land Transportation Franchising and Regulatory Board (LTFRB) ang inirereklamong taxi driver na naging viral sa social media.
Ito ay matapos makuhanan ng video ng nagrereklamong si Joanna Garcia ang tsuper ng nasakyan niyang taxi na may plakang UWB-666 na kinilalang si Roger Catipay.
Kasamang nagtungo ng inirereklamong taxi driver ang operator nitong si Ariel Gamboa.
Sa isang panayam, humingi ng paumanhin si Catipay sa kanyang pasaherong si Garcia at nangako naman itong haharapin ang mga kasong posible niyang kaharapin.
Samantala, itinanggi naman ni Catipay na siya ay naka-inom ng alak o kaya ay naka-droga nang mga panahong iyon matatandaang sa video, kitang-kitang galit na galit si Catipay at nagbanta pang gugulpihin ang pasaherong si Garcia at kasama nito matapos na tumanggi ang mga itong magbayad ng P250 pesos gayung P140 pesos lamang ang patak ng metro.
By Ralph Obina
