Kinokonsidera bilang isang terror incident ang nangyaring pananaksak ng isang indibidwal sa 3 katao sa East London Tube station.
Sabado nang gabi nang maganap ang pananaksak kung saan agad namang naaresto ang suspek, habang nananatiling nasa ospital ang 3 biktima.
Kung maaalala, isang Senior European counter-terrorism official ang nagbunyag kamakailan na nakatanggap ng intelligence report ang European Security Agencies na target ng ISIS na magsagawa ng pag-atake sa United Kingdom.
Sa kabila ng konsiderasyon na ito, pinayuhan ni Commander Richard Walton, Head ng MET’S counter terrorism command sa london ang publiko na manatiling kalmado, alerto at vigilant.
By: Allan Francisco
