Iniimbestigahan na ng PNP Internal Affairs Services ang insidente ng umano’y pambubugbog ng ilang pulis sa isang lumabag sa quarantine protocol sa General Trias Cavite.
Ayon kay PNP Chief Police General Archie Gamboa, pinasisiyasat niya sa IAS ang katotohanan sa alegasyon ng biktimang si Roland Campo na binugbog siya ng mga pulis na umaresto sa kanya noong Mayo 13.
Gayundin ang pahayag naman ng mga pulis na self-inflicted o gawa mismo ng biktima ang mga tinamo nitong pinsala sa katawan.
Kasabay nito, pinaalalahanan naman ni Gamboa ang lahat ng mga pulis na palagiang magpatupad ng maximum tolerance sa paghawak sa kaso ng mga paglabag sa quarantine protocols.
