Balik-Instagram na si Maine Mendoza a.k.a Yaya Dub isang linggo matapos na ma-hack sa ikalawang pagkakataon ang kanyang account sa nabanggit na social networking site.
Nagpasalamat si Maine sa digital consultant ng TAPE Inc., na nasa likod ng produksyon ng noontime show na Eat Bulaga sa matagumpay na pag-retrieve sa kanyang Instagram account kabilang na ang lahat ng kanyang photos na binura ng hacker.
Ikinukunsidera naman itong magandang birthday gift ni Maine na nagdiriwang ng kanyang kaarawan ngayong araw, March 3.
“You don’t know how happy I am right now. Saktong-sakto sa birthday ko,”, ani Maine.
Nagbabala naman ang phenomenal star sa mga magtatangka pang i-hack ang kanyang account.
“To those who are STILL trying to get into my social media accounts, naku naku naku may kalalagyan din kayo,”. “It’s actually crazy how much effort people put into trying to ruin someone else’s life…but no, never will I give someone who is trying to bring me down the satisfaction of succeeding.” Pahayag ni Maine.
“Tip: Do yourselves a favor and do something worthwhile with your time. Don’t go around messing with other people’s lives just cause *clears throat* your life sucks,” Dagdag nito.
Matatandaang noong nakaraang taon ay na-hack ang mga social accounts ni Maine kabilang na ang Twitter, Facebook at Instagram nito.
Samantala, inilabas naman ang isang video ng surprise birthday party kay Maine na handog ng kanyang pamilya, kaibigan at mga supporters.
