Todo bantay ngayon ang puwersa ng Armed Forces of the Philippines o AFP sa bahagi ng rehiyon ng ZamBaSulTa o Zamboanga, Basilan, Sulu at Tawi-Tawi.
Ito’y kasunod ng pagkakapaslang ng Militar at Pulisya sa 4 na miyembro ng Abu Sayyaf Group kabilang na rito ang kapatid ni ASG Leader Mundi Sawadjaan na si Al-Al at ang Sub Leader nitong si Injam Yadah at 2 iba pa.
Ayonkay AFP Chief of Staff Gen. Cirilito Sobejana, malaking kawalan para sa mga bandido ang pagkakapatay kina Al-Al at Yadah at hindi magtatagal ay malalaglag na rin sa kamay ng mga awtoridad si Mundi.
Kaya naman sinabi ng AFP Chief na kanilang inagapan na ang mga susunod na pangyayari lalo’t inaasahan na nilang magkakasa ng serye ng pag-atake ang ASG bilang ganti.
Dahil dito, pinalawak pa ng Militar at Pulisya ang kanilang intelligence gathering at monitoring laban sa nabanggit na terroristang grupo.—ulat mula kay Jaymark Dagala (Patrol 9)
