Tinawag na ‘Fake News’ ng Metropolitan Manila Development Authority (MMDA) ang kumakalat na impormasyon sa social media na ipapatupad na sa Mayo 16 ang bagong Number Coding Scheme.
Ayon kay MMDA chairman Romando Artes, hindi pa nakakapagdesisyon ang Metro Manila Council o mga Alkalde sa Metro Manila kung palalawigin ang umiiral na kautusan.
Magsasagawa pa kasi ng pag-aaral hinggil dito upang masolusyunan ang bigat ng trapiko sa Metro Manila.
Sa ngayon, sinabi ni Artes na ilang suhestiyon na ang lumulutang na suspendihin ang kautusan pero hindi pa ito nakakatulong dahil hihintayin pa ng MMDA ang susunod na administrasyon.
