Ipinag-utos ni Iraqi Prime Minister Haider Al-Abadi ang pagsasagawa ng airstrike laban sa Islamic State sa Syria bilang ganti sa mga pag-atake ng teroristang grupo sa Baghdad.
Ayon kay Abadi, Commander-in-Chief ng Iraqi Forces, determinado silang wakasan ang terorismo na kumitil sa buhay ng kanilang mga kababayan kaya’t bobombahin nila ang mga kuta ng ISIS.
Sa statement naman ng Iraqi Joint Operations Command, binanggit na nagbagsak na ng mga bomba ang kanilang F-16 jet fighters sa mga border ng Iraq, malapit sa mga bayan ng Usaybah at Albu Kamal na sakop ng Syria.
By Jelbert Perdez
