Arestado ang isang Togolese national sa Ninoy Aquino International Airport na nagtatangkang lumipad patungong Canada sa pamamagitan ng pekeng visa.
Ayon kay Bureau of Immigration Port Operations Division Chief Grifton Medina, peke ang iprinisintang electoronic travel authorization ng 31 anyos na si Amevi Gbansouvi.
Galing ang dayuhan sa Guangzhou, China at ginawa nitong jump off point ang bansa sa kanyang byahe patungo sa Toronto.
Kasalukuyang naka detene sa detention facility ng Immigration sa Camp Bagong Diwa, Taguig habang pino proseso ang kanyang deportation.
