Isa ang napaulat na nasawi sa traslacion ng Itim na Nazareno.
Kinilala ang biktima na si Ramil dela Cruz, 51-taong gulang at isang Senior Jail Officer ng Bureau of Jail Management and Penology – National Capital Region.
Ayon sa Manila City Disaster Risk Reduction and Management Office, alas-12:30 kaninang hatinggabi nang makaranas ng paninikip ng dibdib ang debotong si Dela Cruz ngunit tumanggi itong magpadala sa ospital.
Sinubukan pa itong i-revive ng mga tauhan ng CDRRMO ngunit binawian din ng buhay ang biktima matapos isugod sa Jose Reyes Memorial Medical Center.
Lumalabas sa inisyal imbestigasyon na naka-inom ang biktimang si Dela Cruz.
(Ulat ni Gilbert Perdez)
