Isa na namang Chinese clinic ang nadiskubre ng mga otoridad sa isang apartment sa Angeles City, Pampanga.
Sa pinagsanib na pwersa ng Food and Drug Administration (FDA) at National Bureau of Investigation (NBI) ang isa umanong apartment sa Friendship Highway na nagsisilbing clinic ng mga Chinese.
Nakita sa loob nito ang tatlong hospital beds at dextrose at mga gamot na may Chinese label.
Mag-amang Chinese ang nagpapatakbo ng nasabing pasilidad kung saan tumatayong doktor ang ama habang assistant naman nito ang kaniyang anak.
Paliwanag ng mga ito inaasikaso na umano nila ang lisensya ng kanilang pagamutan ngunit naabutan na ito ng lockdown.
