Isa pang bata ang tinamaan ng ligaw na bala sa Marikina City.
Ayon sa ulat, nanonood lamang ng telebisyon ang bata kasama ng kanyang ina nang makarinig sila ng putok ng bala.
Bigla na lamang umanong sumigaw sa sakit ang bata at nakitang hawak na nito ang duguang dibdib.
Agad naman itong naisugod sa Amang Rodriguez Memorial Medical Center at ngayon ay nasa maayos nang kondisyon.
Sa pinakahuling bilang ng Philippine National Police, umaabot na sa 12 ang naitalang biktima ng ligaw na bala.
By: Rianne Briones
