Bumagsak sa kamay ng Saranggani Police ang isa sa mga suspects sa Maguindanao massacre na nangyari noon pang 2009.
Ayon kay Senior Supt. Hector Grijaldo Jr., Deputy for Operations ng Saranggani Provincial Police Office, nakuha nila ang suspect na si Denga Oman Mentol sa Sitio Kabangkalan Barangay Batotoling sa bayan ng Glan Saranggani Province.
Hindi anya nila matukoy kung kelan pa nagtatago sa Saranggani si Mentol dahil palipat-lipat ito ng lugar sa nakalipas na halos 6 na taon.
Sinabi ni Grijaldo na itinanggi ni Mentol na sangkot siya sa pagmasaker sa 58 katao sa Maguindanao.
Inamin ng suspect na nagtrabaho sya sa Ampatuan family subalit hanggang 2006 lamang anya siya doon.
By Len Aguirre
