Isa ang patay, habang 70 ang arestado at aabot sa 107 ang mga armas na nakumpiska ng mga otoridad sa ikinasa nilang magkakasabay na police operation sa Caraga Region.
Ayon kay PNP Chief Police General Debold Sinas said, na bahagi ang mga ikinasang operasyon ng PNP sa hangarin nito na masiguro ang kaligtasan ng publiko laban sa mga kriminal at mga sindikato.
Base sa report ni Caraga PNP Regional Director Police Brigadier General Romeo Caramat Jr. kay Gen. Sinas, isinagawa nila ang simultaneous police operation sa bisa ng 82 search warrant na inisyu ng korte.
Pahayag ni Caramat, ilan sa mga naisyuhan ng search warrants ay mga kilalang supporter at konektado sa hinihinalang mga communist terrorist groups.
Dagdag pa ng opisyal, bahagi rin ang mga operasyon na ito sa “whole of nation” efforts ng pamahalaan sa ilalim ng National Task Force to End Local Communist Armed Conflict.
