Isang pulis ang patay matapos pagbabarilin ng lalaking naka-motosiklo sa Caloocan City.
Kinilala ang biktimang si PO1 Allan Nocum, residente ng Barangay 117, Grace Park East.
Ayon kay Caloocan City Police-Investigation Unit Chief, Senior Insp. Felipe Fermin, isa si Nocum sa mga scalawag umanong pulis na ipinatapon sa Basilan noong 2016.
Umuwi lamang anya ang biktima mula Basilan upang samahan sana ang pamilya sa hearing kaugnay sa child abuse case na isinampa laban sa kanila ng nakaalitang pinsang pulis.
