Isang atletang Pilipino ang binawian ng buhay matapos lumahok sa Ironman 70.3 triathlon sa Cebu.
Kinilala ni Lapu-Lapu City Police Office Director, Senior Supt. Rommel Cabagnot ang atletang si Eric Nadal Mediovillo, 47-anyos ng Laguna.
Dakong alas-9:45 kahapon ng umaga nang ideklarang dead on arrival si Mediovillo as Mactan Doctors Hospital.
Isinugod si Eric sa ospital dahil umano sa heart attack sa gitna ng 1.9 kilometer race sa swimming sa Shangri-la Resort sa Mactan Island.
Bukod sa swim course, sasabak sana si Mediovillo sa 90-kilometer bicycle course at 21-kilometer run upang ma-kumpleto ang dibdibang karera.
Hindi ito ang unang beses na may namatay sa Ironman triathlon na idinaraos taun-taon sa tulong isang kilalang energy drinks manufacturer bilang sponsor.
By Drew Nacino
