Isinailalim sa lockdown ang bahagi ng barangay Zapote 5 sa Bacoor City sa Cavite.
Sa pahayag ng alkalde ng lungsod na si Mayor Lani Revilla, 4 na residente ng barangay ang dinapuan ng nakamamatay na virus.
Dahil dito, inirekomenda ng pamunuan ng Bacoor City coronavirus disease 2019 (COVID-19) task force at mga barangay officials nito, na isailalim ang Sitio Aroma sa lockdown mula alas-12 ng hatinggabi kanina hanggang Hunyo 15.
Sa ilalim ng ipinatupad na lockdown, hindi papayagang makalabas sa kani-kanilang mga kabahayan, ang mga residenteng nakatira sa mga kinurdunang lugar sa barangay Zapote 5.
Samantala, siniguro naman ni Bacoor City Mayor Lani Revilla, na agad na magsasagawa ng mass testing sa pamilya ng mga nagpositibo sa virus maging sa mga kapit bahay nito. Regular din aniyang magbibigay ng mga relief packs ang pamahalaang lungsod ng Bacoor.
