Natagpuan ang isang bangkay ng lalake sa bakanteng lote sa likod ng isang pribadong paaralan sa Barangay Pasobolong, Zamboanga City.
Batay sa ulat, nakita ito ng isang construction worker na nagngangalang Alpi Jawhil.
Ayon sa pulisya, si Jawhil ay nagtatrabaho sa gusali kung saan nakita ang bangkay ng lalake.
Nakaamoy umano si Jawhil ng mabahong amoy kaya’t hinanap niya kung saan ito nagmumula hanggang sa nakita nga niya ang duguang katawan ng isang lalaki sa damuhan.
Hanggang sa ngayon ay hindi pa rin natutukoy ang pagkakakilanlan ng biktima.
