Patay ang isang bata matapos malunod sa isang ilog sa bayan ng Dupax Del Sur sa Nueva Vizcaya.
Kinilala ang biktima na si Rogelio Villanueva II, 9 na taong gulang.
Ayon sa pulisya, naliligo sa ilog ng barangay Palabotan ang biktima kasama ang kaniyang tatay, mga kapatid at pinsan.
Nang umahon na ang tatay ng biktima kasama ang 2 pang anak, hindi umano niya napansin na hindi pa nila kasama si Rogelio.
Naalarma na lamang ang tatay nang mapasigaw na ang anak habang ito ay nalulunod.
Nagawa pang itakbo sa ospital si Rogelio ngunit idineklara na rin itong dead on arrival.
