Kinumpirma ni Provincial Veterinarian Dr. Darel Tabuada, na nagpositibo sa African Swine Fever (ASF) ang bayan ng Sta. Barbara sa probinsya ng Iloilo.
Ayon kay Tabuada, ang Sta. Barbara ang ika-5 bayan na nagpositibo sa ASF sa lalawigan kung saan, mas pinaigting na ang pagbabantay sa iba pang babuyan sa nabanggit na lugar at iba pang kalapit na bayan.
Dahil dito, nananawagan sa mga hog raiser si Tabuada, kabilang na ang mga backyard raisers na makipagtulungan sa kanila upang agad na mapuksa ang lumalalang kaso ng ASF sa kanilang lugar.
