Arestado ang isang chinese matapos salakayin ng mga otoridad ang isang condominium unit sa Paranaque City.
Ito ay matapos matimbrehan ng mga undercover police na nagpapanggap bilang modelo ang naturang dayuhan na muntik pang maka-biktima ng dalawang babae.
Ayon sa mga biktima, nakilala nila ang isang nagpapanggap na modeling agency recruiter na kinikilalang “Monique” na nagpapasok sa mga ito sa isang unit.
Nadatnan ng mga ito ang mga nakapuwestong ilaw at cellphone at inutusan silang makipagtalik sa mga nagpapanggap na modelo sa harap ng camera.
Napag-alamanan naman ng Philippine National Police Anti-Cybercrime Group na mayroong kasabwat na Pilipino at ilan pang chinese ang mga naaresto.
Samantala, agad namang nagkasa ng follow-up operation ang pnp-anti-cybercrime group upang matugis ang iba pang tao na may kaugnayan sa naturang krimen. - sa panunulat ni Hannah Oledan
