Arestado ang isang civil engineer matapos na ireklamo ni PCSO general manager Royina Garma ng panunuhol sa mismong tanggapan nito sa Wack-Wack sa lungsod ng Mandaluyong.
Kinilala ang suspek bilang si Ryan Patrick Nepomuceno, 44 na taong gulang at isang civil engineer.
Batay sa ulat ng Mandaluyong City Police, pumunta ang suspek sa tangganpan ni Garma, at iniabot ang mga dokumentong naglalaman ng request kaugnay sa isang STL outlet, kalakip ng perang nagkakahalaga ng P200,000.
Kasunod nito, ikinagalit ni Garma ang tangkang panunuhol ni Nepomuceno sa kanya.
Samantala, nahaharap si Nepomuceno sa kasong direct bribery at falsification of public documents.
