Arestado ang isang komander ng MILF o Moro Islamic Liberation Front sa bayan ng Datu Odin Sinsuat sa lalawigan ng Maguindanao.
Ito’y dahil sa palagiang pananakot umano ng suspek na kinilalang si Tato Ibrahim sa mga residente sa barangay Tapian.
Batay sa ulat ng CIDG-ARMM, nakarating sa kanila ang sumbong ng mga residente hinggil sa walang habas na pagpapaputok ng baril ni Ibrahim sa tuwing nagkakaroon ng pagtatalo sa kaniyang mga kapitbahay.
Nanampal din umano si Ibrahim ng isang tauhan ng barangay makaraang pigilan siya nito sa ginagawang panghaharass sa isang sibilyan.
Dahil dito, mahahaarap sa kasong paglabag sa Republic Act 10591 o illegal posession of firearms si Ibrahim makaraang makumpiskahan ito ng kalibre kuwarenta’y singkong baril.
