Idineklara nang fire out ng Bureau of Fire Protection ang sumiklab na sunog sa construction site ng SM Megamall sa Mandaluyong City.
Ayon kay Fire Superintendent Ruben Ramirez ng BFP –Mandaluyong , nagsimula ang sunog dakong alas 7:30 kagabi kung saan umabot ito sa ikatlong alarma.
Idineklara namang kontrolado ang sunog dakong alas 11:27 ng gabi at tuluyan itong naapula bandang ala 1:30 kaninang madaling araw.
Wala namang naitalang nasugatan o anumang casualties sa naganap na sunog.
Sa ngayon, inaalam pa ng mga otoridad ang kabuuang halaga ng mga napinsalang ari-arian at gayundin ang pinagmulan ng naturang sunog.
