Patay ang isang dating alkalde sa isang bayan sa Apayao matapos pagbabarilin.
Kinilala ng Cagayan public information office ang biktima na si dating Flora Mayor Richard De San Jose.
Ayon sa report nakikipag-inuman ang dating alkalde sa mga kaibigan nito sa loob ng isang restaurant ng bigla itong pagbabarilin.
Ikinuwento ng mga saksi na dalawang lalaking nakasuot ng camouflage ang lumapit kay De San Jose bago ito binaril.
Ang dating alkalde na nagtamo ng tama ng bala ng hindi pa matukoy na kalibre ng baril sa kaniyang likuran na tumagos sa katawan nito ay kaagad isinugod sa Flora District Hospital subalit binawian na rin ng buhay.
Patuloy namang iniimbestigahan ng PNP Flora ang nasabing insidente.
