Patay ang isang babaeng empleyado ng gobyerno matapos na barilin ng hindi pa kilalang mga salarin sa Sultan Kudarat.
Ayon kay Lambayong Police Chief Capt. Herman Luna, sakay ng motorsiklo na minamaneho ng kanyang asawa ang biktimang si Remesyl Valdez, 39 anyos, nang atakihin ng dalawang lalaking sakay din ng motorsiklo.
Kwento ng mister ni biktima, patuloy silang pinaulanan ng bala kahit pa natumba na sila.
Idineklarang dead in arrival ang biktima sa pagamutan habang bahagya lamang nasaktan ang mister.
Posibleng may kinalaman sa kanyang posisyon na pamamahala sa pampublikong pamilihan ng bayan ang pamamaslang sa biktima.
Nag alok naman ng 100,000 piso si Lambayong Mayor Ferdinand Agduma sa sinomang makapagbibigay ng impormasyon sa pagkakakilanlan ng mga suspek.
