Patay ang isang estudyante nang mabangga ng kotseng minamaneho ng isang guro sa Ilocos Norte.
Nabatid na idineklarang patay na ang 6 na taong gulang na si Edmark Rayan Respicio ng bayan ng Solsona dahil sa matinding tama sa ulo.
Ayon kay Eduardo Respicio, ama ng biktima tumutulong lamang ang kanyang anak sa paglilinis ng iniwang basura ng Bagyong Lawin sa lansangan at tumatawid nang mahagip ng kotse na minamaneho ni Lucena Liban.
Sinabi ng matandang Respicio na hindi tumigil ang guro sa pagmaneho para tulungan ang kaniyang anak at sa halip ay dumiretso sa presinto para sumuko.
Ipinabatid naman ni Liban na hindi niya napansin ang bata.
Nahaharap sa kasong reckless imprudence resulting to imprudence si Liban.
By Judith Larino
