Patay ang isang high profile inmate matapos harangin ng nasa 5 hindi pa nakikilalang salarin sa Calamba, Laguna.
Kinilala ang nasawi na si Joshi Tarun na nahaharap naman sa kasong serious illegal detention at kidnapping with ransom.
Ayon kay Laguna Police Provincial Director Col. Eleazar Mata, inililipat sa ibang detention facility ang biktima lulan ng saksakyan ng BJMP nang harangin sila ng 5 armadong lalaki sa bahagi ng Bypass Road.
Sumakay sa saksakyan ng BJMP ang mga salarin at inuutos na dalhin ito sa barangay Lamesa.
Doon na binaril sa ulo ang biktimang si Tarun atsaka tumakas ang mga armadong salarin.
Samantala, naglagay na ng mga checkpoiunt sa lugar ang Philippine National Police PNP habang nagpapatuloy naman ang imbestigasyon sa insidente —ulat mula kay Jaymark Dagala (Patrol 9).
