Patay ang isang high – value drug suspect sa Southern Mindanao sa isinagawang raid sa Nabunturan, Compostela Valley.
Ayon kay Southern Mindanao Police Spokesperson Chief Insp. Andrea Dela Cerna, magkasanib pwersa sa naturang operasyon ang pulis at mga sundalo para mahuli ang No. 8 na Most Wanted Drug Suspect sa Region 11 na si Ian Sicad.
Narekober sa lugar ang higit tatlong daang libong (300,000) halaga ng shabu at mga drug paraphernalias.
Naaresto naman sa hiwalay na raid ang No. 2 Most Wanted Drug Personality sa nabunturan na si Charlie Babalyo na tahanan nito sa Barangay Poblacion.
Nakuha sa suspek ang ilang sachet ng shabu at limang daang (500) pisong marked money.
By Rianne Briones
