Nasakote ng mga otoridad ang isang hinihinalang miyembro ng Maute terror group sa evacuation center sa Saguiran, Lanao del Sur.
Ayon kay PNP ARMM Director Chief Superintendent Reuben Theodore Sindac, naaresto ang suspek na si Lala Arafat, mula sa Osmeña Marawi City, matapos positibong ituro ng isa pang Maute member na una nang nadakip ng mga otoridad.
Nakuha kay Arafat ang labing dalawang ID’s na may iba’t ibang pangalan at isang cellphone.
Nakakulong na ang suspek at ipinagharap na sa kasong may kaugnayan sa rebelyon.
- Krista De Dios | Story from Jonathan Andal
