Patay ang isang 50 taong gulang na lalaki makaraang malunod nang subukang i-rescue ang kapwa niya turista sa Boracay.
Kinilala ang biktima na si Roberto Baisas, sinasabing residente ng Sta. Cruz, Laguna, at nagtungo lamang sa isla kasama ang pamilya para magbakasyon.
Sa paunang imbestigasyon ni Patrolman Jessie Nolido ng Malay Police, nasa dalampasigan si Baisas nang marinig ang paghingi ng tulong ng isa pang turista na si James Matthew Alfafara.
Nang saklolohan ni Baisas ang biktima ay bigla na lang silang hinampas ng malakas na alon.
Nakaligtas sa tiyak na kapahamakan si Alfafara habang idineklara namang dead on arrival sa Ciriaco S.Tirol Hospital si Baisas.
