Bukas ang isang mahistrado ng Korte Suprema na tumayong testigo laban kay Chief Justice Maria Lourdes Sereno.
Ito’y sa sandaling umusad na ang impeachment trial laban kay Sereno dahil sa mga kuwesyunableng hakbang na ipinatutupad nito sa hudikatura.
Gayunman, tumangging magpabanggit ng pangalan ang nasabing mahistrado ngunit tiniyak ang kaniyang kahandaan sa panggigisa ng mga mambabatas.
Magugunitang ilang mahistrado na ng High Tribunal ang umalma sa ilang polisiyang ipinatutupad ni Sereno nang hindi dumaraan sa kanila bilang collegial body.
