Patay ang isang hinihinalang miyembro ng Abu Sayyaf gayundin ang kasama nito sa ikinasang operasyon ng pulisya sa Zamboanga Sibugay.
Kinilala ni PNP Special Action Force (SAF) Director P/BGen. Bernabe Balba ang napatay na bandido na si Jomar Aukasa at isang nakilala lamang sa alyas na Buchoy.
Magsisilbi lang sana ng warrant of arrest ang mga operatiba ng SAF kasama ang regional mobile force battalion laban sa dalawa dahil sa kasong murder at robbery sa Brgy. Sisay, bayan ng tungawan nang bigla nitong paputukan ang mga huhuli sa kaniya.
Ayon pa kay Balba, pang-lima rin si Aukasa sa listahan ng mga most wanted person sa Zamboanga Peninsula dahil sa pagiging facilitator at financier nito ng Abu Sayyaf sa serye ng pagdukot nito.
