Nailigtas na ang 70 pasahero ng isang motor vessel na sumadsad sa bahagi ng Tambulian Reef sa Bohol, kagabi.
Sinabi ni Lt. Jimmy Derbo, station commander ng Coastguard Bohol, patungo sana sa Cebu ang MV Fast Cat nang sumadsad ito sa bahagi ng Tubihon.
Inaalam pa ang maaring sanhi ng pagsadsad ng motor vessel.
Samantala, ngayong araw ay iinspeksyunin ng coastguard ang nasabing vessel upang malaman ang sea worthiness nito.
By: Katrina Valle
