Arestado ang isang hinihinalang miyembro ng New People’s Army (NPA) sa bayan ng Milagros sa Masbate, kahapon.
Ayon sa Masbate Police, arestado ang 43 anyos na kinilalang si Julian Ceniza dahil sa umano’y ilegal na pag-iingat nito ng armas at mga pampasabog.
Naaresto si Ceniza sa loob mismo ng bahay ng napaulat na lider ng kanilang grupo na kinilala namang si “Ka Gemo” sa barangay San Carlos dakong 5:00 ng hapon.
Nakatanggap umano ng impormasyon ang mga otoridad mula sa isang residente kaugnay sa presensya ng mga hinihinalang rebelde sa lugar.
Narekober naman mula kay Ceniza ang dalawang improvised explosive device, IED switch, dalawang hand-held radio units, baterya ng laptop, printer at iba’t-ibang uri ng dokumento.
